ಕ್ಲಿಷ್ಟ

ಮುನ್ನುಡಿ, ಬೆನ್ನುಡಿ, ಚೆನ್ನುಡಿ, ನಾಣ್ಣುಡಿ
ಪ್ರಪಾತ, ದಿಗಂತ, ಅನಂತ, ಏಕಾಂತ
ಕೆಚ್ಚೆದೆ, ಕಾರ್ಮುಗಿಲು, ಕಗ್ಗತ್ತಲು, ಕಂಗಾಲು
-ಇಂಥ ಕ್ಲಿಷ್ಟ ಪದಗಳ ಬಳಸದೆ ಬರೆದ ಕವನ..

ಇಷ್ಟ ಆದ್ರೆ ಮತ್ತೆ ಓದಿಬಿಡಿ
ಇಲ್ಲದಿದ್ರೆ ನಕ್ಕು ಮುಂದೆ ನಡಿ!

ಛಲೋ

ನನ್ನದೊಂದು ವಿನಂತಿ
ಎಲ್ಲದಕ್ಕೂ ಯಾಕ್ 'ಹೂಂ' ಅಂತಿ?
ಇಲ್ಲ ಅನ್ನೋದ್ ಯಾವಾಗ್ ಕಲೀತಿ
-ಆಗ್ ನಿನ್ ಬಾಳು ಛಲೋ ಆಗ್ತೈತಿ!!

ನಾನಂದ್ರೆ ನಂಗಿಷ್ಟ

ಏನೇ ಗೆದ್ದರೂ, ಎಷ್ಟೇ ಸೋತರೂ,
ಏನೆಲ್ಲಾ ಪಡೆದರೂ, ಎಲ್ಲ ಕಳೆದರೂ,
ಯಾರೇ ಬಂದರೂ, ಎಲ್ಲ ಹೋದರೂ,
ಒಂದಂತು ಸ್ಪಷ್ಟ..ನಾನಂದ್ರೆ ನಂಗಿಷ್ಟ !!

ಕವನ?

ಚಟ್ನಿ ಪುಡಿ ಖಾರದ ಪುಡಿ..
ಅನ್ನದ ಜೊತೆ ಕಲಸಿಬಿಡಿ..
ಖಾರ ಆದ್ರೆ ನೀರು ಕುಡಿ..
ಊಟ ಆಯಿತು ಮಲಗು ನಡಿ..

ಇದೂ ಒಂದು ಕವನ?
ಬರೆಯಬಾರದು ಇಂಥವನ್ನ!!

ರೋಗ

ಗಾಳಿ ನೀರು ಸೂರ್ಯ ಚಂದ್ರ

ಯಾವಾಗಾದ್ರೂ ಕೊಚ್ಕೊಂಡಿದ್ರ

ಮನ್ಶಂಗ್ ಮಾತ್ರ ಯಾಕೀ ರೋಗ

ಹಾಕ್ಕೊಬಾರ್ದ ಬಾಯಿಗ್ ಬೀಗ!!

ದರ್ದು

ಅನ್ಕೊಂಡಿದ್ದು ಅನ್ಕೊಂಡಾಗ್ಲೇ ಆಗ್ಬೇಕ್ ಅನ್ನೋ ದರ್ದು

ಇರೋದೇನೋ ಸರಿ ಆದ್ರೆ ಜೀವನ ಹಂಗೆ ಇರ್ದು

ಕಾಯೋದ್ ಬಿಟ್ಟು ಕೆಲ್ಸ ಮಾಡ್ಬೇಕ್ ತಲೆ ಕೆಡ್ಸ್ಕೋ  ಬಾರ್ದು

ಕೊಡ್ಬೇಕದಾಗ್  ಅವ್ನೆ ಕೊಡ್ತಾನ್ ಬೇಡ ಅಂದ್ರು ಕರ್ದು

ನೀರಿನ್ ಮೇಲಿನ್ ಗುಳ್ಳೆ

ನೀರಿನ್ ಮೇಲಿನ್ ಗುಳ್ಳೆ ಥರ ಖುಷಿ ಅನ್ನೋದ್ ತಿಳ್ಕೋ

ಆಗಿಂದಾಗ್ಗೆ ಸತ್ ಹೋಗತ್ತೆ ಮತ್ತೆ ಅದನ್ ಪಡ್ಕೋ

ನಾನ್ ಹೇಳಿದ್ ಸರಿ ಅನ್ನಿಸ್ತಿದ್ರೆ ತಲೇಗ್ ಹುಳ ಬಿಟ್ಕೋ

funda ಜಾಸ್ತಿ ಅಂತನ್ಸಿದ್ರೆ ಬೆಚ್ಚಗ್ ಹೊದ್ ಕೊಂಡ್ ಮಲ್ಕೋ