ಹಾಡು ಬರೆಯಬೇಕು

ಹಾಡು ಬರೆಯಬೇಕು
ನಾ ಹಾಡು ಬರೆಯಬೇಕು
ಚೆಂದದೊಂದು ಪುಟ್ಟದೊಂದು
ಹಾಡು ಬರೆಯಬೇಕು.

ಅದು,
ಹುಣ್ಣಿಮೆ ಬೆಳದಿಂಗಳಂತೆ ತಂಪಾಗಿರಬೇಕು,
ಮಗುವಿನ ನಗುವಿನಂತೆ ಮುಗ್ಧವಾಗಿರಬೇಕು.
ಕಾಡಿನ ಕತ್ತಲಂತೆ ಕಾಡುವಂತಿರಬೇಕು ,
ನಾಡಿನ ಜಂಜಾಟಗಳ ಮರೆಯುವಂತಿರಬೇಕು.
ಪುಟ್ಟದೊಂದು ಚೆಂದದೊಂದು
ಹಾಡು ಬರೆಯಬೇಕು,
ನಾ ಹಾಡು ಬರೆಯಬೇಕು.

ನನ್ನ ಅವಳ ಪ್ರಣಯದಂತೆ,
ಮಧುರ ಪ್ರೇಮ ಕಾವ್ಯದಂತೆ,
ಮನದ ದುಗುಡ ಮರೆಯುವಂತೆ,
ಚೈತನ್ಯದ ಬುಗ್ಗೆಯಂತೆ,
ನನ್ನ ಹಾಡು ಹುಟ್ಟಿತು...
ಮನಸು ಹಗುರವಾಯಿತು...