ಕ್ಲಿಷ್ಟ

ಮುನ್ನುಡಿ, ಬೆನ್ನುಡಿ, ಚೆನ್ನುಡಿ, ನಾಣ್ಣುಡಿ
ಪ್ರಪಾತ, ದಿಗಂತ, ಅನಂತ, ಏಕಾಂತ
ಕೆಚ್ಚೆದೆ, ಕಾರ್ಮುಗಿಲು, ಕಗ್ಗತ್ತಲು, ಕಂಗಾಲು
-ಇಂಥ ಕ್ಲಿಷ್ಟ ಪದಗಳ ಬಳಸದೆ ಬರೆದ ಕವನ..

ಇಷ್ಟ ಆದ್ರೆ ಮತ್ತೆ ಓದಿಬಿಡಿ
ಇಲ್ಲದಿದ್ರೆ ನಕ್ಕು ಮುಂದೆ ನಡಿ!

ಛಲೋ

ನನ್ನದೊಂದು ವಿನಂತಿ
ಎಲ್ಲದಕ್ಕೂ ಯಾಕ್ 'ಹೂಂ' ಅಂತಿ?
ಇಲ್ಲ ಅನ್ನೋದ್ ಯಾವಾಗ್ ಕಲೀತಿ
-ಆಗ್ ನಿನ್ ಬಾಳು ಛಲೋ ಆಗ್ತೈತಿ!!

ನಾನಂದ್ರೆ ನಂಗಿಷ್ಟ

ಏನೇ ಗೆದ್ದರೂ, ಎಷ್ಟೇ ಸೋತರೂ,
ಏನೆಲ್ಲಾ ಪಡೆದರೂ, ಎಲ್ಲ ಕಳೆದರೂ,
ಯಾರೇ ಬಂದರೂ, ಎಲ್ಲ ಹೋದರೂ,
ಒಂದಂತು ಸ್ಪಷ್ಟ..ನಾನಂದ್ರೆ ನಂಗಿಷ್ಟ !!

ಕವನ?

ಚಟ್ನಿ ಪುಡಿ ಖಾರದ ಪುಡಿ..
ಅನ್ನದ ಜೊತೆ ಕಲಸಿಬಿಡಿ..
ಖಾರ ಆದ್ರೆ ನೀರು ಕುಡಿ..
ಊಟ ಆಯಿತು ಮಲಗು ನಡಿ..

ಇದೂ ಒಂದು ಕವನ?
ಬರೆಯಬಾರದು ಇಂಥವನ್ನ!!