ಸಾಲು ಸಾಲು ಕನಸುಗಳು, ಮೆರವಣಿಗೆಯಲಿ ಬಂದಿದೆ
ಮನದ ಕನಸಿನೂರಿನೊಳಗೆ ಪ್ರವೇಶ ಕೋರಿ ಕಾದಿವೆ
ಚಿಕ್ಕ ಕನಸು, ದೊಡ್ಡ ಕನಸು, ಮುರಿದ ಕನಸು, ಮರೆತ ಕನಸು
ಎಲ್ಲವು ಬಾಗಿಲಲ್ಲೇ ನಿಂತಿವೆ, ಪ್ರವೇಶ ಕೋರಿ ಕಾದಿವೆ
ಅರ್ಹತೆಯ ಚೀಟಿಯನ್ನು ಎಲ್ಲ ಕನಸು ನೀಡಿವೆ
ಎಲ್ಲವು ಹಿತವಾಗಿರಲು ಆಯ್ಕೆ ಕಷ್ಟವಾಗಿದೆ
ಒಂದು ಹೆಚ್ಚು ಒಂದು ಕಡಿಮೆ ಎಂಬ ಭೇದವೇತಕೆ
ಎಲ್ಲ ಕನಸು ನನ್ನವೇ - ತಾರತಮ್ಯ ಸಾಧ್ಯವೇ?
ನನ್ನ ಕನಸಿನೂರಿಗೆ ಪ್ರವೇಶ ಮುಕ್ತವಾಗಿದೆ !!
ಎಲ್ಲ ಕನಸು ಹೊತ್ತುಕೊಂಡು ಮುಂದೆ ಸಾಗಬೇಕಿದೆ!!