ಟಡಾನ್ ಟನ್ ಟಡಾನ್ !

ನೀರು ಕುಡಿದರೆ ತೂಕ ಇಳಿಯುತ್ತೆ
ಉಪ್ಪು ಬಿಟ್ಟರೆ ಬೀಪಿ ಹೋಗತ್ತೆ
ಬಿಟ್ಟಿ ಸಲಹೆಲಿ ಮಜಾ ಸಿಗತ್ತೆ 
ಟಡಾನ್ ಟನ್ ಟಡಾನ್ !

ಸ್ಕೂಲಿಗ್ ಹೋದರೆ ಡಿಗ್ರಿ ಸಿಗತ್ತೆ
ಕೆಲಸ ಮಾಡಿದ್ರೆ ಸಂಬಳ ಸಿಗತ್ತೆ
ನಿದ್ದೆ ಮಾಡಿದ್ರೆ ಏನ್ ಸಿಗತ್ತೆ?
ಟಡಾನ್ ಟನ್ ಟಡಾನ್ !

ಕಷ್ಟ ಪಟ್ಟರೆ ಫಲ ಸಿಗತ್ತೆ
ಬೆವರು ಸುರಿಸಿದರೆ ದುಡ್ಡು ಬರತ್ತೆ
ಏನು ಮಾಡಿದರೆ ಖುಷಿ ಸಿಗತ್ತೆ?
ಟಡಾನ್ ಟನ್ ಟಡಾನ್!

ಆಫೀಸ್ ನಲ್ಲಿಯೇ ನಿದ್ದೆ ಬರತ್ತೆ..
ಸ್ನಾನ ಮಾಡಿದ್ರೆ ಸುಸ್ತು ಆಗತ್ತೆ..
ಜೀವನ ಯಾಕೊ ಹೀಗ್ ಹಾಳಾಗತ್ತೆ..
ಟಡಾನ್ ಟನ್ ಟಡಾನ್ !

ಸಂಭ್ರಮ!

ಕಾಡು ಮೇಡು ಅಲೆದು ಬಂದು ದಣಿದ ದಿನವು ಸಂಭ್ರಮ!
ಮರೆತ ಪದವು ಮತ್ತೆ ಸಿಗಲು ಬರೆವುದೊಂದು ಸಂಭ್ರಮ!
ಪಾದರಸವು ಹರಿಯುವಂತೆ, ಮನಕೆ ಖುಷಿಯು ಲಗ್ಗೆ ಇಡಲು,
ಎಲ್ಲ ಎಲ್ಲೆ ಮೀರಿ ಅಲ್ಲಿ, ಬದುಕೇ ಒಂದು ಸಂಭ್ರಮ!!